Нэрсний полента бялуу

Эхний бэлтгэл ажил. Зуухаа 180°C (сэнстэй) хүртэл халаана. 18 см хэмжээтэй бялууныхаа хэвийг наалддаггүй цаасаар бүрэх эсвэл Альпро-ийн (жигнэж, шарах зориулалттай) тосоор тосолно.

Том саванд гурил, полента, хөөлгөгч, нүүрстөрөгч мөн давсыг хамтад нь холино. Тусдаа саванд Альпро овъёостой сүү, ваниль, агч модны сироп, наргил модны самрны тосыг хамтад нь холино. Ингээд өмнөх саванд бэлдсэн хуурай орцон дээрээ сүүлд бэлдсэн шингэн хольцоо нэмээд сайтар хутгана.

Бялууныхаа хольцийг өмнө нь бэлдсэн хэвэнд хийгээд, нэрснийхээ 3/4-ийг дээр нь тарааж байрлуулна. Зарим нэрсээ зуурмагруугаа дарж өгөөд үлдсэнийг нь дээд хэсэгт нь тавина. Зууханд 30-35 мин жигнээд, шүдний чигчлүүрээр хатгаж үзэхэд цэвэрхэн гарч ирвэл болсон гэж үзнэ.

Бялуугаа зууханд болж байх зуур үлдсэн жимс, агч модны сироп, ганганы навч зэргийг жижигхэн хайруулын тавганд хийнэ. Дээр нь бага зэргийн ус нэмээд буцалгана. 5 минутын турш өтгөртөл нь чанана.

Бялуугаа зуухнаас гаргаад дээр нь өтгөн чанамалаа түрхэнэ. Хэвнээс нь салгалгүйгээр 2 минут байлгана. Ургамлын гаралтай амттаныг халуунаар хэрэглэх нь тохиромжтой . Амттай!